مدار الساعة - كتبت الناشطة الاجتماعية والسياحية ربى تركي الضلاعين:
لو العصيان المدني بوقف قصف غزة... أنا أول واحد بنزل عالشارع!
لو العصيان المدني بيكسر الحصار... أنا أول واحد بقفل رزقي وبرمي مفتاحي
لكن الحقيقة إللي لازم تنقال بدون خوف ولا مجاملة:
العصيان المدني في الأردن اليوم اكيد خدمة مجانية للعدو
العصيان المدني في الأردن اليوم اكيد طعنة في ظهر وطنك
العصيان المدني في الأردن اليوم اكيد خراب بيت الأردني قبل الفلسطيني
غزة محتاجة سند قوي اسمه الأردن... مش محتاجة نشل قواه بيدنا!
غزة محتاجة دولة واقفة ثابتة... مش دولة مضروبة بالداخل ومستنزفة من أهلها!
اللي بدو يزاود عالوطن بحجة فلسطين... يسأل حاله:
إذا الأردن ضعف... مين رح يوقف مع غزة بكرة؟
إذا الأردن فلتت جبهته الداخلية... شو رح يظل سند لفلسطين
العصيان المدني مش بطولة... ولا وطنية زائدة... العصيان المدني بهالظروف لعب على وتر خراب الداخل، والداخل إذا خرب أول ناس بيدفعوا الثمن هم الفقراء والبسطاء والناس إللي نفسها مع فلسطين.
ادعم غزة... اصرخ لفلسطين... قول رأيك بأعلى صوت...
بس لا تكون أداة بيد الجهل أو بيد عدوك بدون ما تحس
